لو عايزين تفضلوا مبسوطين مع بعض وعلاقتكوا ميبوظهاش الحوارات ،فى حاجات لازم تكبروا دماغكوا منها.انك تكون صريح دى حاجة
كويسة بس لما الموضوع بيجى للنقد المباشر لازم تسأل نفسك "الجملة دى مهمة اوى ؟ " وتفكر شوية قبل ما تنطلق فى الكلام،يعنى فى شوية حاجات كده لازم تبعدوا عنها فى الكلام ومش معنى ان انتوا خلاص بقيتوا مع بعض انكوا متكونوش اذكياء او مركزين بتتعاملوا ازاى.
انكوا تقفوا لبعض على الواحدة
"انا اللى كلمتك اخر مرة" ،"انت ليه مردتش علي المسج اللى بعتهالك امبارح بالليل " ،بلاش احساس ال Score ده واللى يخليكوا ماشيين خطوة قصادها خطوة لانه فعلا بيضيع الدفا واحساس انكوا عشان بعض وده لانك لما تحسسها كل دقيقة انك عملت عشانها حاجة وهى معملتش ده بيخليها تضايق ومتحسش بالحاجات الكويسة اللى انت عملتهالها وبتضيع اى احساس حلو كان ممكن هى تحسه.جربوا متفكروش بانانية واتعاملوا باللى فى قلبكوا من غير تركيز زيادة عن اللزوم فى مبن بيدى اكتر.
بلاش تتعامل كانك ابوها او امها "والعكس"
مش معنى انك خايفة عليه انه يجيلوا نزلة معوية انك تتخانقى معاه عشان اكل مع اصحابه وبرضه مش معنى انك خايف عليها انك تحرمها من الخروج مع اصحابها.ساعات لما العلاقة بتتعمق وتطول ،الطرفين بياخدوا موود الاهل فى الانتقاد و الاوامر بس الموضوع ده مينفعش فى علاقات الحب والارتباط لان المفروض ان انتى موجودة عشان تريحيه وتفهميه وتغفريله وهو موجود عشان يحلم معاكى ويبسطك ويعذرك .ممكن نخاف على بعض من غير الاوامر والافش بتوع الاهل.
انكوا تتناقشوا فى الامور المادية بطريقة غلط
مينفعش انك تقوليله انت ليه جبت جينز غالى او انت ليه عزمت صحابك على الغدا او ان انت تتناقش بعصبية فى هى ليه بتجيب جزم غالية وكتيييير.الكلام عن الماديات لما بياخد اتجاه النقد الموضوع بيقلب باحساس بالخنقة والاجبار والتزام ممكن طرف من الطرفين يتضايق منه لانه ببساطة هيحس انه مبقاش براحته وان بقى معاه جهاز رصد بيخنقوا ويقيده.
نهاد سيد
انكوا تقفوا لبعض على الواحدة
"انا اللى كلمتك اخر مرة" ،"انت ليه مردتش علي المسج اللى بعتهالك امبارح بالليل " ،بلاش احساس ال Score ده واللى يخليكوا ماشيين خطوة قصادها خطوة لانه فعلا بيضيع الدفا واحساس انكوا عشان بعض وده لانك لما تحسسها كل دقيقة انك عملت عشانها حاجة وهى معملتش ده بيخليها تضايق ومتحسش بالحاجات الكويسة اللى انت عملتهالها وبتضيع اى احساس حلو كان ممكن هى تحسه.جربوا متفكروش بانانية واتعاملوا باللى فى قلبكوا من غير تركيز زيادة عن اللزوم فى مبن بيدى اكتر.
بلاش تتعامل كانك ابوها او امها "والعكس"
مش معنى انك خايفة عليه انه يجيلوا نزلة معوية انك تتخانقى معاه عشان اكل مع اصحابه وبرضه مش معنى انك خايف عليها انك تحرمها من الخروج مع اصحابها.ساعات لما العلاقة بتتعمق وتطول ،الطرفين بياخدوا موود الاهل فى الانتقاد و الاوامر بس الموضوع ده مينفعش فى علاقات الحب والارتباط لان المفروض ان انتى موجودة عشان تريحيه وتفهميه وتغفريله وهو موجود عشان يحلم معاكى ويبسطك ويعذرك .ممكن نخاف على بعض من غير الاوامر والافش بتوع الاهل.
انكوا تتناقشوا فى الامور المادية بطريقة غلط
مينفعش انك تقوليله انت ليه جبت جينز غالى او انت ليه عزمت صحابك على الغدا او ان انت تتناقش بعصبية فى هى ليه بتجيب جزم غالية وكتيييير.الكلام عن الماديات لما بياخد اتجاه النقد الموضوع بيقلب باحساس بالخنقة والاجبار والتزام ممكن طرف من الطرفين يتضايق منه لانه ببساطة هيحس انه مبقاش براحته وان بقى معاه جهاز رصد بيخنقوا ويقيده.
نهاد سيد
صباح الجمعة 9 يويليو 2010
